គន្លឹះពពោះ៖ វិធីជួយអោយកូនកើតមកមានសុខភាពល្អ

ការពពោះប្រកបដោយសុខភាពល្អ នឹងជួយអ្នកឱ្យទារកកើតមកមានសុខភាពល្អ។ សុវត្ថិភាពនិងអាហារបំប៉នគឺមានសារៈសំខាន់ជាចម្បងប្រសិនបើអ្នកប្រាថ្នាចង់បានការតាំងគភ៌។ អានបន្តដើម្បីដឹងអំពីគន្លឹះមូលដ្ឋាននៃការមានផ្ទៃពោះ ដែលអាចជួយអ្នកឱ្យសម្រេចបាននូវការសម្រាលកូនមានសុខភាពល្អ និងសុវត្ថិភាព ដែលនឹងធានាថាទារករបស់អ្នកបានកើតមកប្រកបដោយសុខភាពល្អគ្រប់យ៉ាង។

•វីតាមីនពេលពពោះ៖ អ្នកគួរតែទៅរកគ្រូពេទ្យនៅពេលអ្នកចង់មានផ្ទៃពោះ។ អ្នកនឹងទទួលបាននូវការណែនាំអំពីវីតាមីនសំរាប់អ្នកពពោះ ដូចជាអាស៊ីតហ្វូលិក ព្រមទាំងជាតិដែកនិងជាតិកាល់ស្យូមផងដែរ។ ពេលខ្លះអ្នកអាចនឹងទទួលការណែនាំអោយញ៉ាំវីតាមីនប្រភេទខ្លះមុនពេលមានផ្ទៃពោះទៀតផង ព្រោះថាការអភិវឌ្ឍសរសៃប្រសាទរបស់ទារក បានចាប់ផ្តើម មុនពេលដែលអ្នកអាចឃើញលទ្ធផលវិជ្ជមាននៅលើឧបករណ៍ធ្វើតេស្តការមានផ្ទៃពោះទៅទៀត។ វីតាមីនពេលពពោះ ត្រូវបានគេទទួលស្គាល់ផងដែរថា សម្រាប់ទប់ស្កាត់ការរលូតកូន, ការកើតមិនគ្រប់ខែ និងបញ្ហាសម្ពាធឈាមខ្ពស់អំឡុងពេលមានផ្ទៃពោះ។

•ការធ្វើលំហាត់ប្រាណអាចជួយអ្នកក្នុងការគ្រប់គ្រងភាពតានតឹង, គ្រប់គ្រង់ទំងន់(គីឡូ), ចលនាឈាមរត់, បន្ធូរអារម្មណ៍របស់អ្នក ជាដើម។ អ្នកគួរតែយកចិត្តទុកដាក់ក្នុងការរក្សាស្ថានភាពជិវិតប្រចាំថ្ងៃអោយនៅសកម្ម។ អ្នកអាចជ្រើសរើសចូលរួមក្នុងថ្នាក់លំហាត់ប្រាណស្រ្តីមានផ្ទៃពោះ ប្រសិនបើអ្នកមិនសូវដឹងពីការហាត់ប្រាណសំរាប់អ្នកពពោះ។ ការដើរយ៉ាងហោចណាស់ ២០នាទីក្នុង១ថ្ងៃ ក្នុងអំឡុងពេលមានផ្ទៃពោះ ជួយអ្នកអោយរក្សារូបរាងដើមក្រោយពេលសំរាល។  ការធ្វើយូហ្គានិងលំហាត់ប្រាណប្រភេទខ្លះត្រូវបានគេណែនាំសំរាប់តែស្ត្រីមានផ្ទៃពោះដែលមានសុខភាពល្អប៉ុណ្ណោះ។ ទោះជាយ៉ាងណាក៏ដោយចូររក្សារកាយវិការនៃលំហាត់ប្រាណ កុំអោយហួសកំរិត។

•ជៀសវាងត្រីដែលផ្ទុកជាតិបារត៖ បើទោះបីជាគេចាត់ទុកថាមានជីវជាតិខ្ពស់ក៏ដោយ ត្រីខ្លះមានជាតិបារត។ បារតក្នុងសាច់ត្រី អាចប៉ះពាល់សុខភាពទារកដែលនៅក្នុងស្បូន។ បារតត្រូវបានគេចាត់ទុកថាមានគ្រោះថ្នាក់ដល់ទារកដែលមិនទាន់កើតនៅពេលដែលវាប៉ះពាល់ដល់ប្រព័ន្ធអ័រម៉ូននិងប្រសាទ។

•ការងារផ្ទះ៖ ការងារផ្ទះខ្លះដូចជាការសម្អាតបន្ទប់ទឹក គួរតែអាចផ្លាស់ប្តូរខ្លះនៅពេលដែលអ្នកមានផ្ទៃពោះ។ ការប៉ះជាមួយនឹងសារធាតុសំអាតដែលមានសារធាតុគីមីពុល រឺការស្រូបយកសារធាតុគីមីទាំងនោះ អាចប៉ះពាល់ដល់ទារកក្នុងស្បូន។ ម្យ៉ាងវិញទៀតការលើកវត្ថុធ្ងន់ ៗ ឬការប៉ះពាល់ជាមួយបាក់តេរីដែលបង្កគ្រោះថ្នាក់ជាពិសេសនៅពេលអ្នកសម្អាតសត្វចិញ្ចឹម អាចបង្កគ្រោះថ្នាក់ដល់អ្នកនិងកូនរបស់អ្នក។ ត្រូវប្រាកដថាអ្នកពាក់ស្រោមដៃនៅពេលធ្វើការនៅក្នុងទីធ្លា។ ក៏កុំព្យាយាមឡើងជណ្តើរឬកៅអីមានថ្នាក់ខ្ពស់ៗ។  សត្វឆ្មា និងសត្វឆ្កែអាចមានផ្ទុកប៉ារ៉ាស៊ីតដែលអាចបណា្តលអោយមានជំងឺ ហើយងាយឆ្លងរាលដាល។ ដូច្នេះប្រសិនបើអ្នកមានសត្វចិញ្ចឹម សូមរកអ្នកជួយក្នុងការថែរក្សាពួកវា។

•ដឹងនៅពេលអ្នកត្រូវទៅជួបជាមួយគ្រូពេទ្យ៖ អ្នកគួរទៅជួបគ្រូពេទ្យភ្លាមៗនៅពេលដែលអ្នកឃើញសញ្ញាដូចខាងក្រោម:

-       ការស្ទះបេះដូងកាន់តែខ្លាំងនិងការក្អួតចង្អោរ

-       ការក្អួតញឹកញាប់រួមជាមួយការចង់ក្អួតធ្ងន់ធ្ងរ

-       ដង្ហើមខ្លី

-       ការដួលសន្លប់ ឬវិលមុខញឹកញាប់

-       ការឈឺចាប់ដែលខ្លាំងកើតមានក្នុងចន្លោះពេលប្រហែលជា ២០ នាទី

-       ការរមួលក្រពើដែលមិនរលាវិញដោយខ្លួនឯង

-       អាការៈធ្ងន់ធ្ងរដែលធ្វើឱ្យអ្នកពិបាកដើរ

-       ថយចុះចលនាទារក

-       ហូរឈាមទ្វារមាសឬ ការធ្លាក់សរ

•ការមានផ្ទៃពោះល្អ៖ ការមានផ្ទៃពោះតម្រូវឱ្យអ្នកញ៉ាំអាហារមានតុល្យភាពដែលមានសុខភាពល្អ និងមានតុល្យភាពដើម្បីឱ្យទារករបស់អ្នកមានសុខភាពល្អខាងរាងកាយនិងខាងសតិអារម្មណ៍។ ត្រូវប្រាកដថាអ្នកដាក់បញ្ចូលផ្លែឈើនិងបន្លែយ៉ាងតិច៥ផ្លែក្នុងមួយថ្ងៃ។ ដើម្បីទទួលបានសារជាតិសរសៃច្រើនសូមសាកល្បងញ៉ាំអាហារដែលមានជាតិម្ស៉ៅគ្រប់ប្រភេទ។ សូមប្រាកដថារបបអាហាររបស់អ្នកផ្ទុកប្រូតេអ៊ីនជាច្រើននៅក្នុងទំរង់ ស៊ុត សាច់ គ្រាប់ធញ្ញជាតិ។  ទឹកដោះគោ ឈីស និងទឹកដោះគោជូរ គឺជាអាហារប្រភេទទឹកដោះ។  ក្រៅពីនោះ ត្រី បន្លែបៃតង គ្រាប់ធញ្ញជាតិ និងផលិតផលសណ្តែកសៀង គឺជាប្រភពអាស៊ីតខ្លាញ់អូមេហ្គា 3 ។ ក៏ត្រូវប្រាកដថាអ្នករក្សាខ្លួនឯងឱ្យមានសុខភាពល្អ។ ផឹកទឹកយ៉ាងតិចប្រាំបីកែវរៀងរាល់ថ្ងៃ។

•រក្សាទំងន់៖ ស្ត្រីមានផ្ទៃពោះដែលមានការកើនទំងន់ឡើងខ្ពស់ពេក អាចជាហានិភ័យនៃផលវិបាកក្នុងពេលសម្រាលកូន រឺអាចត្រូវសំរាលដោយវះកាត់។ ទារកដែលមានទម្ងន់ស្រាលពេក ងាយនឹងអាឡែរហ្សីជាមួយជាតិខ្លាញ់និងជំងឺហឺត ជាពិសេសក្នុងវ័យកុមារភាពរបស់ពួកគេ។ នេះអាចនាំឱ្យមានជំងឺបេះដូងនៅពេលក្រោយក្នុងជីវិតរបស់ពួកគេ។

•ភាពតានតឹង៖  ការធុញថប់ច្រើនអំឡុងពេលមានផ្ទៃពោះ អាចនាំឱ្យមានការថប់បារម្ភ, ជំងឺធ្លាក់ទឹកចិត្ត និងជំងឺធាត់ចំពោះទារកកុមារ។ ព្យាយាមប្រឹក្សាយោបល់ ហាត់យោហ្គា ឬការធ្វើសមាធិប្រសិនបើអ្នកមានអារម្មណ៍ថាមានភាពតានតឹង (ដោយមិនដឹងមូលហេតុ) អំឡុងពេលមានផ្ទៃពោះ។

•អនាម័យចំណី៖ អនាម័យចំណីអាហារមានសារៈសំខាន់បំផុតនៅពេលអ្នកមានគភ៌។ បាក់តេរីខ្លះ បង្កឱ្យមានការឆ្លងមេរោគមួយដែលត្រូវបានគេស្គាល់ថា អាចនាំឱ្យមានការរលូតកូន ឬទាំងម្តាយនិងទារកដែលកើតមក អាចមានបញ្ហាសុខភាពធ្ងន់ធ្ងរបន្ទាប់ពីសំរាល។ អាហារដែលគួរតែត្រូវជៀសវាងក្នុងអំឡុងពេលមានផ្ទៃពោះ:

-       ទឹកដោះគោដែលមិនសំលាប់បាក់តេរី

-       អាហារខ្ចប់ រឺផ្អាប់

-       អាហារឆៅ រឺចំអិតស្ទើរ

យើងមិនអាចដឹងបាន ថាតើស្រាអាចទៅដល់ទារកកំរិតណា តាមរយៈចរន្តឈាមហេតុនោះ ជាការប្រសើរ អ្នកគួរជៀសវាងស្រាទាំងស្រុង។ ក៏ត្រូវជៀសវាងពីការជក់បារីផងដែរ ព្រោះវាអាចនាំទៅដល់ការសម្រាលកូនមិនគ្រប់ខែ ឬទារកកើតមកមិនសូវមានសុខភាពល្អ។ ព្យាយាមកាត់បន្ថយជាតិកាហ្វេ ព្រោះវាបង្កើនហានិភ័យនៃការរលូតកូន។ ចុងក្រោយ, ត្រូវប្រាកដថាអ្នកសម្រាកច្រើន ហើយក៏ព្យាយាមទម្លាប់គេងចំហៀង (ឆ្វេង)។