ការពពោះ

ការតេស្តបច្ចេកទេសវេជ្ជសាស្រ្តទំនើប

ការពិនិត្យផ្ទៃពោះ

នៅពេលស្រ្តីកំពុងពពោះ ការទទួលការថែទាំសុខភាព គឺកាន់តែមានសារៈសំខាន់ជាងពេលណាទាំងអស់។ ចូរស្វែងយល់អំពីអ្វីដែលអ្នកគួរតែរំពឹង នៅពេលដែលអ្នកទៅជួបពេទ្យជំនាញសំរាប់ការពិនិត្យផ្ទៃពោះលើកដំបូង និងវិធីរៀបចំសំរាប់ការពិនិត្យនៅត្រីមាសទី២ និងទី៣។ បន្ថែមលើនោះ អ្នកក៏អាចរកឃើញថា តើទារកក្នុងផ្ទៃត្រូវគេវាស់ការលូតលាស់ដោយរបៀបណា ហើយពេលណា អ្នកអាចលឺសំលេងបេះដូងរបស់គេជាលើកដំបូងបាន។

ការឈឺចុកចាប់ និងអាការៈមិនស្រួលខ្លួន

សញ្ញារំខាននៃការពពោះមានលក្ខណៈខុសគ្នាសំរាប់មនុស្សម្នាក់ៗ ហើយក៏មិនដូចគ្នាពី១ខែ ទៅ១ខែ រឺអាចខុសគ្នារវាងការពពោះ១លើក ១លើកថែមទៀតផង។ ចូរព្យាយាមស្វែងយល់អោយដឹងពីអ្វីដែលអ្នកគួររំពឹងចេញពី សញ្ញារំខាននៃការពពោះដំបូង ការក្អួតចង្អោរ រហូតដល់ការឈឺចុករោយនៅត្រីមាសទី៣។ អ្នកគួរយល់ច្បាស់ថា លក្ខណៈបែបណាជាប្រការធម្មតា និងពេលណាគួរទៅជួបពេទ្យជំនាញ។

ការឈឺចុកចាប់

ការពពោះមានសញ្ញារំខានជាច្រើនខ្លាំងណាស់ រាប់ចាប់ពីអាការៈនៅមិនសុខឡេះឡះឡើងទៅ។ អ្នកអាចនឹងមានការឈឺចាប់តាមបែបដែលអ្នកធ្លាប់ជួប ដូចជាការក្អួត ឈឺក្បាល និងចុកទ្រូង។ ហើយវាក៏មានសញ្ញារំខានផ្សេងទៀតដូចជា ឈាមច្រមុះ និងការដុះរោមច្រើនលើដងខ្លួនផងដែរ។ ចូរសិក្សាពីផលរំខានដែលអ្នកកំពុងមាន និងគន្លឹះក្នុងការបន្ថយអាការៈទាំងនោះ។

ការក្អួតចង្អោរ

ការក្អួតចង្អោរ គឺជាលក្ខណៈទូទៅនៃការពពោះ ដែលតាមពិត ៣ភាគ៤នៃស្រី្តពពោះជួបប្រទះនឹងការលំបាកដោយសារ ភាពរង៉ាក់រងើរ និងក្អួតច្រើន នៅអំឡុងត្រីមាសទី១ តែវាមិនមែនមានន័យថា វានឹងចុះអន់ថយក្រោយពីអ្នកជួបម្តងហើយនោះទេ។ ចូរព្យាយាមរកវិធីល្អបំផុតដែលជួយអ្នកអោយបន្ថយអាការៈនោះបាន ដូចជាថ្នាំបែបណាដែលអ្នកអាចលេបបាន និងថាតើវាមានអ្វីដែលគួរអោយបារម្ភរឺទេ។
ការធ្វើតេស្តផ្ទៃពោះ តាមបែបវេជ្ជសាស្រ្តទំនើប ត្រូវបានណែនាំយ៉ាងទូលាយ។ ប៉ុន្តែ ស្រ្តី និងបុរសមួយចំនួន អាចទទួលបានពត៌មានមិនគ្រប់ជ្រុងជ្រោយ រឺមិនបានយកចិត្តទុកដាក់ លើបញ្ហាទាំងនោះអោយល្អិតល្អន់ ដោយសារតែខ្លួនមិនទាន់មានកូន។ ដោយហេតុនោះ អ្នកគួរស្វែងយល់បន្ថែម អោយដឹងច្បាស់ជាងមុខអំពីមូលហេតុ អត្ថប្រយោជន៍ និងផលវិបាកនានា ដែលអាចកើតមានចំពោះអ្នក និងកូនរបស់អ្នកនៅក្នុងអំឡុងពេលពពោះនេះ ដូចជា ការឆ្លុះអេកូ ការធ្វើតេស្តឈាមផ្សេងៗ និងតេស្តវេជ្ជសាស្រ្តផ្សេងទៀត។

ត្រីមាសទី១

បន្ទាប់ពីបង្ករកំណើត ហើយតាំងសំបុករួចហើយ លក្ខណៈដំបូងរបស់ទារកគឺជា អំប្រ៉ីយ៉ុង ដែលជាភ្នាសកោសិកាពីរជាន់ ដែលផ្តល់ការវិវត្តន៍ដល់សរីរាង្គគ្រប់ផ្នែក និងតួខ្លួនទាំងមូលផង។ ដោយការលូតលាស់យ៉ាងរហ័ស គ៌ភរបស់អ្នកនឹងធំធាត់បានជាទំហំគ្រាប់សណ្តែងសៀងក្នុងពេលយ៉ាងខ្លី ហើយបន្តដំណើរលូតលាស់ទៅមុខជានិច្ច។ បេះដូងចាប់ផ្តើមលោតជាចង្វាក់ញាប់ៗ ហើយពោះវៀនចាប់ផ្តើមកកើត។ ស្លឹកត្រចៀក ត្របកភ្នែក មាត់ និងច្រមុះចាប់ផ្តើមលេចទំរង់អោយសំគាល់ឃើញ។

ត្រីមាសទី២

នៅវដ្តដំបូងទីត្រីមាសទី២ ទារកមានប្រវែងប្រហែល ៨សង់ទីម៉ែត្រ ទៅ ៩សង់ទីម៉ែត្រ និងទំងន់ប្រហែល ៤០០ក្រាម ទៅ ៥០០ក្រាម។ ម្រាមដៃតូចៗ ក៏ចាប់ផ្តើមលូតលាស់ចេញជារូបរាង ហើយបេះដូងវិញក៏ចាប់ផ្តើមច្របាច់ឈាមជារៀងរាល់ថ្ងៃ។ បន្តទៅមុខប៉ុន្មានសប្តាហ៍ទៀត លលាដ៏ក្បាលចាប់ផ្តើមរឹងទៅជាលក្ខណៈឆ្អឹង ហើយសមត្ថភាពស្តាប់ក៏អភិវឌ្ឃ។ មកដល់ពេលនេះ អ្នកនឹងបានទទួលអារម្មណ៍ពីចលនាធាក់ និងបំរាស់។

ត្រីមាសទី៣

ពេលនេះទារកមានទំងន់ប្រហែល ១គីឡូក្រាម នៅដើមត្រីមាស។ គេអាចប៉ប្រិចភ្នែក ហើយថែមទាំងមានរោមភ្នែកផងដែរ។ ចំណែកស្បែកជ្រួញៗ ចាប់ផ្តើមស្មើរលោង ដោយសារការកើនទំងន់។ គេចាប់ផ្តើមមានក្រចកដៃ ក្រចកជើង និងសក់ (រឺរោមស្តើងៗនៅលើក្បាល) ហើយកោសិកាប្រសាទរាប់ពាន់លានបានកើនឡើងនៅក្នុងខួរក្បាលគេ។ ពេលនេះជាពេលដែលសំណព្វចិត្តតូចរបស់អ្នកកំពុងបង្កើនទំងន់ខ្លួន។ នៅពេលគ្រប់ខែ ទារកមានទំងន់ជាមធ្យម ៣,១៧ គីឡូក្រាម និងប្រវែង ៤៨,២៦សង់ទីមែ្រត។