គ្រឿងផ្សំ៖
- ចេកណាំវ៉ា ១ស្និត
- ទឹកខ្ទិះ ១ចានគោម
- ស្ករត្នោត ៣ស្លាបព្រាបាយ
- អំបិល ១ស្លាបព្រាកាហ្វេ
- ស្លឹកតើយ ២សន្លឹក
វិធីធ្វើ៖
ជំហានទី១៖ អាំងចេក
យកចេកណាំវ៉ាដែលទុំស្រគាល មកបកសម្បក ហាន់ជាកង់ៗ
រួចយកមកដោតឈើចង្កាក់។ នៅពេលដោតចេករួចរាល់អស់ហើយ
ត្រូវយកទៅអាំងរហូតដល់ចេកឡើងពណ៌ត្នោតក្រៀមបន្តិចៗ។ នៅពេលចេកឆ្អិន
សឹមយកមកកៀបឲ្យសំប៉ែត។
ជំហានទី២៖ ធ្វើទឹកខ្ទិះ
ដាក់ឆ្នាំងលើភ្លើង ដាក់ខ្ទិះ ស្ករត្នោត អំបិល
និងស្លឹកតើយចូល កូររហូតខ្ទិះឡើងខាប់បន្តិច សឹមបិទភ្លើង
ដាក់ចុះទុកឲ្យត្រជាក់បន្តិច។ នៅពេលរៀបចំញ៉ាំ អាចរូតយកឈើចង្កាក់ចេញ
ហើយស្រោចទឹកខ្ទិះ ឬជ្រលក់ញ៉ាំក៏បាន។
No comments:
Post a Comment