១. រូបផ្គុំ ឬប្រដាប់ផ្គុំ
រូបផ្គុំ និងប្រដាប់ផ្គុំដូចជាផ្ទះ ឬរូបភាពផ្សេងៗ
គឺជារបស់លេងមួយប្រភេទដែលល្អសម្រាប់កូនអ្នកណាស់
ព្រោះវាអាចជួយឲ្យពួកគេមានការគិតបានលឿន
និងមានភាពអត់ធ្មត់ក្នុងការលេងរបស់នេះ។
២. សេះ
សេះ ជារបស់លេងដែលជួយពង្រឹង
និងការពារសុខភាពរាងកាយរបស់កូនតូចអ្នក ព្រោះនៅពេលកូនៗអ្នកលេងវា
គឺដូចជាការហាត់ប្រាណអីចឹង។ រាងកាយកូនអ្នកនឹងរឹងមាំ មិនងាយឈឺ
ហើយមិនខ្ជិលច្រអូសទៀតផង។
៣. កូនឡាន
ភាគច្រើនកូនឡានគឺជារបស់លេងយ៉ាងពេញនិយមបំផុតសម្រាប់ក្មេងៗ
ព្រោះវាជួយពង្រឹងផ្នែកស្មារតី និងបញ្ញារបស់ក្មេង។
ឪពុកម្ដាយដែលឲ្យកូនរបស់ខ្លួនលេងកូនឡាន គឺជាជម្រើសដ៏ល្អបំផុត
ដើម្បីឲ្យពួកគេចេះត្រៀមខ្លួន
និងមានភាពស្វាហាប់ក្នុងការប្រដូចខ្លួនជាអ្នកបើកបរមួយរូប។
៤. សៀវភៅរូបភាព ឬគំនូរផាត់ពណ៌
សៀវភៅគំនូរផាត់ពណ៌គឺអស្ចារ្យសម្រាប់ការអភិវឌ្ឍ
និងបង្កើនភាពសប្បាយរីករាយដល់ក្មេងៗ។ វាជួយឲ្យក្មេងកាន់តែមានគំនិតច្នៃប្រឌិត
និងភាពប្រុងប្រយ័ត្ននៅពេលផាត់រូបម្ដងៗ។
៥. ដីឥដ្ឋ
ដីឥដ្ឋគឺជារបស់លេងមួយបែបដែលអាចឲ្យក្មេងៗធ្វើចេញរូបផ្សេងៗដែលពួកគេចង់បាន
ដូច្នេះជាជួយជំរុញឲ្យខួរក្បាលរបស់គេមានការបត់បែនបានលឿន
និងដឹងថាពួកគេចង់បានអីរួចជាស្រេចក្នុងខួរក្បាលរបស់គេ។
៦. បាយឡុកបាយឡ
ប្រដាប់ប្រដាក្មេងលេងតូចៗដូចជាគ្រឿងទេសដែលគួរឱ្យស្រឡាញ់នេះអនុញ្ញាតឱ្យពួកគេស្វែងរកការស្រមើរស្រមៃ
និងភាពច្នៃប្រឌិត
នៅពេលដែលពួកគេបង្កើតពិភពលោកតូចមួយដើម្បីធ្វើត្រាប់តាមជីវិតដែលពួកគេចង់បាន។
៧. ស្គរ និងព្យាណូតូចៗ
វាជារបស់លេងដែលអាចបញ្ចេញសំឡេងបាន
ដូច្នេះកូនរបស់អ្នកនឹងព្យាយាមវាយ ឬធ្វើយ៉ាងណាឲ្យរបស់នោះចេញសំឡេង។
វាជួយឲ្យខួរក្បាលក្មេងៗមានភាពស្រស់ស្រាយ ហើយបត់បែនបានលឿន
និងមានការរំញោចផ្នែកសំឡេងបានលឿន។
៨. កូនបាល់
បាល់មិនមែនជារបស់លេងសម្រាប់តែក្មេងប្រុសនោះទេ
គឺសម្រាប់គ្រប់ភេទតែម្ដង ព្រោះវាជួយឲ្យក្មេងមានភាពរឹងមាំ
និងរហ័សរហួនក្នុងការចាប់កាន់ ឬទាត់ បោះចុះបោះឡើង។
No comments:
Post a Comment