១. ជួយដោយមិនបាច់សុំ
ការពពោះស្រូបថាមពល
ហើយក៏កាត់បន្ថយកំលាំងទៀតផង។ នារីជាភរិយាអាចនឹងមកដល់ផ្ទះភ្លាម
គេងលក់ភ្លាមក្រោយពីចេញពីធ្វើការ។ ដោយសារតែការលូតលាស់របស់ទារកធ្វើអោយគាត់អស់កំលាំង
ហើយធ្វើការមិនបានច្រើននិងរហ័សដូចមុន។ គាត់ត្រូវចំណាយពេលច្រើនជាងមុនដើម្បីធ្វើកិច្ចការក្នុងទំហំដែលគាត់ធ្លាប់ធ្វើ
នេះជាហេតុផលដែលនាំអោយស្រ្តីខ្លះ គេងមិនគ្រប់គ្រាន់។ ស្វាមីគួរព្យាយាមធ្វើកិច្ចការនានាជុំវិញផ្ទះដែលអ្នកធ្លាប់ឃើញប្រពន្ធអ្នកធ្វើ។
នៅពេលឃើញផ្ទះមិនសូវរញ៉េរញ៉ៃ ប្រពន្ធអ្នកអាចនឹងព្រមសំរាកខ្លះ។
២. ភរិយាថ្មី
ប្តីក៏ថ្មី
ដើម្បីកូន
ម្តាយនឹងលះបង់នូវចំណូលចិត្ត និងទំលាប់ផ្សេងៗដែលអាចបង្ករបញ្ហាដល់ទារកក្នុងផ្ទៃ។
ស្រ្តីខ្លះ ព្យាយាមផ្តាច់បារី ស្រា ហើយសូម្បី តែនិងកាហ្វេ។
នាងនឹងខំប្រឹងផ្លាស់ប្តូរទំលាប់រស់នៅអោយមានសុខភាពល្អ។ ចូលរួមជាមួយប្រពន្ធ ក្នុងការរស់នៅជាមួយនឹងទំលាប់ថ្មី
ជីវភាពថ្មី បែបបទជីវិតថ្មី ស្ថានភាពថ្មី។ នេះជាការផ្តល់កំលាំងចិត្តអោយនាង
ក៏ដូចជាបង្ហាញអោយនាងដឹងថា អ្នកក៏ខ្វល់ខ្វាយពីសុខភាពរបស់នាង និងកូនដូចគ្នាដែរ។
៣. បង្កើនចំណេះដឹងរបស់ខ្លួន
អ្នកគួរស្រាវជ្រាវ
អានសៀវភៅ ទទួលការណែនាំពីមនុស្សចាស់ ពិភាក្សាជាមួយមនុស្សជុំវិញ។
អ្នកគួរស្វែងយល់ពីអ្វីដែលអ្នកត្រូវរំពឹង ទាក់ទងនឹងការពពោះ និងការសំរាល។ ធ្វើបែបនេះ
អ្នកនឹងក្លាយជាស្វាមី និងលោកប៉ាដ៏គួរអោយទុកចិត្ត និងពឹងផ្អែកបាន។ ប្រពន្ធអ្នកនឹងមានទំនុកចិត្ត
ហើយស្មារតីពពោះនឹងរឹងមាំ។
៤. ពេលដែលនាងត្រូវការអ្នក
អ្នកតែងតែនៅក្បែរនាង
ជាការពិត
មនុស្សស្រីពពោះ តែងត្រូវការមនុស្សនៅក្បែរ ព្រោះមានកិច្ចការជាច្រើន
ដែលនាងមិនអាចធ្វើដោយខ្លួនឯង រឺមិនអាចធ្វើតែម្នាក់ឯងបាន។ វាហាក់ដូចជាហួសហេតុ
បើអ្នកត្រូវនៅក្បែរនាងរហូតនោះ។
តែពេលវេលាសំខាន់ៗមួយចំនួនពិតជាត្រូវការវត្តមានអ្នកនៅក្បែរនាងខ្លាំងជាងធម្មតាមែន
ដូចជា ការទៅពិនិត្យសុខភាព ការទៅតាមដានការលូតលាស់របស់កូន ការទៅទិញសំភារៈសំរាប់សំរាល
និងសំរាប់ទារក។ អ្នកគួររៀបពេលប្រចាំអាទិត្យ ដើម្បីអង្គុយជាមួយនាង
និយាយទៅរកកូនជាមួយគ្នា។ ត្រូវបង្ហាញថា អ្នកចង់នៅក្បែរនាងនិងកូន ហើយអ្នកស្រលាញ់
ចង់ថែរក្សា និងចិញ្ចឹមកូន។ ត្រូវអោយនាងទុកចិត្តថា អ្នកនឹងនៅក្បែរនាង
នៅពេលវេលាដែលនាងខ្លាច។
៥. សរសើរថាប្រពន្ធស្អាត
សម្រស់មនុស្សស្រី
មានការប្រែប្រួលពេលកំពុងមានផ្ទៃពោះ។
នាងពិតជាមានការបារម្ភពីស្នាមសង្វារ ការឡើងទម្ងន់
ឬក៏មានអារម្មណ៍ថាខ្លួនឯងចាស់ជាងមុន។ ហេតុនេះហើយ
ស្វាមីគួរចេះសរសើរប្រពន្ធ ធ្វើឲ្យនាងមានទំនុកចិត្តលើខ្លួនឯង ព្រមទាំងបញ្ជាក់ឲ្យនាងបានដឹងថា
អ្នកស្រលាញ់នាងប៉ុណ្ណា។
៦. ងូតទឹក និងជួយម៉ាស្សាអោយនាង
ការងូតទឹកក្តៅ
ជួយបន្ធូរអារម្មណ៍ បន្ថយសំពាធរាងកាយ ជួយអោយគេងលក់ និងបំបាត់ការឈឺចាប់តាមរាងកាយ។ ការជួយដុសខ្នងអោយនាង ក៏ជារឿងដែលនាងត្រូវការបំផុតដែរ ព្រោះនាងពិបាកខ្លាំងក្នុងការឈោងទៅដុះខ្នង។ នាងតែងស្ពឹកស្រពន់
ត្រង់ប្រអប់ជើង ឈឺរោយឆ្អឹងខ្នងជាដើម
ដូច្នេះដល់ពេលដែលអ្នកត្រូវបញ្ចេញជំនាញរបស់អ្នកហើយ។
ពេលដែលម៉ាស្សាទៅ នាងប្រាកដជាបានធូរស្រាលច្រើន។ វាបញ្ជាក់ថា
អ្នកបារម្ភ និងយកចិត្តទុកដាក់ពីនាងកំរិតណា។
៧. ស្តាប់ ពិភាក្សា អធ្យាស្រ័យ
និងផ្តល់អាទិភាពដល់នាង
ពេលពោះធំអ័រម៉ូនមានការប្រែប្រួល
អារម្មណ៍មនុស្សស្រីឡើងចុះមិនទៀង
ពេលខ្លះសប្បាយហើយពេលខ្លះក៏ខឹងឆេវឆាវមួយរំពេច។
មិនត្រូវប្រកាន់ខឹងនាង ហើយព្យាយាមស្តាប់ពេលដែលនាងនិយាយរៀបរាប់ប្រាប់ពីសុខទុក្ខទាំងឡាយ។
មានបញ្ហាខ្វល់ខ្វាយ ក្តីបារម្ភជាច្រើន ដែលអ្នកទាំងពីរកំពុងទុកក្នុងចិត្ត។
ការលើកវាមកពិភាក្សាគ្នា នឹងនាំអោយយើងយល់ពីគ្នាកាន់តែច្បាស់
ហើយអាចលួងលោមគ្នាទៅវិញទៅមកបាន។ ប៉ុន្តែ អារម្មណ៍មនុស្សស្រីនៅពេលពពោះ
អាចនឹងឡើងចុះលឿនជាងមនុស្សធម្មតា ហេតុនេះ ភាគីស្វាមីគួរផ្តល់អាទិភាពអោយនាង
ទោះការនិយាយ ការស្តាប់ និងការពិភាក្សាគ្នាក៏ដោយ។
8.
បង្កើតអនុស្សាវរីយ៍ល្អៗជាមួយនាង
កុំគិតថាពេលប្រពន្ធពោះធំហើយ
មិនចង់នាំចេញដើរទៅណាមកណាជាមួយ។ វាជារឿងសំខាន់ដែលអ្នក គូរតែនាំនាងដើរផ្សារ
ទៅកន្លែងណាដែលមានទេសភាពស្រស់បំព្រង ថតរូបឲ្យបានស្អាតៗ
ទុកជាអនុស្សាវរីយ៍មើលរួមគ្នាពេលចាស់ទៅ។
៩. មើលថែទាំនាង
ពេលសម្រាលកូនរួច
ត្រូវចំណាយពេលយូរ ទម្រាំបាត់ការឈឺចាប់
មានកម្លាំងកំហែងនិងបានរឹងដៃរឹងជើងឡើងវិញ។
ជាពិសេសអ្នកត្រូវមានការយកចិត្តទុកដាក់ខ្ពស់ចំពោះនាង
ស្វែងរកអាហារណាដែលល្អសម្រាប់នាង ហើយមិនត្រូវភ្លេចនិយាយថា
អ្នកស្រលាញ់នាងជានិច្ច។
No comments:
Post a Comment